martes, 22 de diciembre de 2009

Galiza


Dispoñíame eu a felicitar as festas á blogofamilia cando topo con esta noticia:

Feijóo cree que el consenso lingüístico pasa por rechazar la palabra 'Galiza'

E claro, xa me puxen de moi mal humor. Eu non sei nin entendo que tipo de problema psicolóxico ten este home coa lingua galega. Pero é que me gustaría que me explicase os seus argumentos lingüístico-filolóxicos para impoñer tal ultimatum: aparte de que o termo aparece en textos medievais, está admitido pola Academia da Lingua. Debería ser ilegal que os políticos meteran a súas sucias e malintencionadas zarpas en cuestións lingüísticas...

7 comentarios:

Carlos Sousa dijo...

"Debería ser ilegal que os políticos meteran a súas sucias e malintencionadas zarpas en cuestións lingüísticas..." e en tantas outras cuestións, xa que ó final o único que fan é crear polémicas e non arranxar nada.
E que teima que ten co galego...

Bueno, que pases unhas boas festas e non traballes moito.

Friol dijo...

Que podemos esperar de alguén que despois de todo o balbordo que montou cando pisou moqueta ( sobre o decreto de normalización, coa milonga das enquisas das que entregaron os resultados de xeito cuase clandestino por mor do ridículo evidente da montaxe e dos resultados da consulta) non sabe como saír airoso do fango onde se meteu el soíño, coa axuda iso si de Galicia Bilingüe.
Agora , supoño estará esperando estas datas ( o 28 era unha moi boa) para meter con calzador un decreto de normalización revisado e redactado co criterio de coutar os dereitos lingüísticos da maioría dos galegos que empregabamos, empregamos a nosa lingua , creo que sen ofender a ninguén, como dereito fundamental por non falar do deber de defensa dunha cultura soporte das nosas vivencias --guste ou non--
País !. Mediocridades metidos a políticos.
De todos os xeitos que pasedes unhas boas festas e que o aninovo sexa ventureiro.

Chousa da Alcandra dijo...

Non te enfades, Hadex; que che se avinagra a idea e non convén.

Todo esto de sacar estas cousas en período vacacional (escóitase dicir que o Decretazo do galego sairá durante as vacacións do Nadal) estache estudado.
Non ten sentido negar a nósa língua. É como negarse a sí mesmo.
E si, eu tamén considero que debería ser ilegal...

Un bico en galego dende o Centro Xeográfio da Galiza!

Moraima dijo...

Eu do señor Frijolito, creo que me espero de todo!

Cuspedepita dijo...

Si, debería estar prohibído.
Despois van de abandeirados da liberdade...Que eu saiba hoxe non é obrigado usar Galiza, poden escoller, que é iso que eles din que defenden. ¿E logo...?

LM dijo...

este homem ainda nom sabe que só é político... acha que tem poderes supremos e governa em todo... já verás que dentro de nada decide que nom se podem comer cachelos porque som demasiado galegos.
feliz 2010 que maloserá...
beijos

xenevra dijo...

Feijoo cre que o consenso político é darlle a el a razón en canta sinrazón se lle ocorre; Feijoo cre que o consenso é facer todo o que el ordena. Feijoo sabéndose incapaz, quere todos sexamos uns eivados coma el para pasar disimulado.

O peor: que o sufrimos.